ԱՄՆ-ում հավատարմագրված դիվանագիտական ներկայացուցչությունների համար կազմակերպված «Embassy Chef Challenge» խոհարարական միցույթում Հայաստանը զբաղեցրել է երրորդ հորիզոնականը

13 հոկտեմբերի, 2022

Ս․թ․ հոկտեմբերի 13-ին, Քաղաքի միջազգային խոհարարական 10-րդ փառատոնի շրջանակներում, Սմիթսոնյանի Ամերիկյան արվեստի թանգարանում տեղի ունեցավ ԱՄՆ-ում հավատարմագրված դիվանագիտական ներկայացուցչությունների համար կազմակերպված «Embassy Chef Challenge» խոհարարական միցույթը։ ԱՄՆ-ում ՀՀ դեսպանության առաջարկությամբ՝ մրցույթին Հայաստանը ներկայացրեց «Itaberco» ընկերությունը՝ շեֆ-խոհարար Բորիս Ղազարյանի գլխավորությամբ։

Միջոցառման ընթացքում ներկայացվեցին հայկական խոհանոցի ավանդական ուտեստներ և խմիչքներ։ Այցելուների քվեարկությամբ Հայաստանը զբաղեցրեց երրորդ պատվավոր տեղը՝ Թաիլանդից և Պակիստանից հետո։

ԱՄՆ-ում ՀՀ դեսպանությունը շնորհակալություն է հայտնում Բորիս Ղազարյանին և «Itaberco» ընկերության անձնակազմին` Հայաստանը բարձր մակարդակի ներկայացնելու համար և շնորհավորում 3-րդ հորիզոնականը զբաղեցնելու կապակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր